عقد الدموع الشاعر عماد محمد سالم

**Admin** الثلاثاء أبريل 26, 2011 7:34 pm

عقد الدموع
الشاعر عماد محمد سالم
عقد الدموع لما انفرط
رشحت حيطان بيتنا
وأخضر حزن الصبي
والشوك ملي غيطنا
وكديتنا طرحت كدب
والغلطة غليطتنا
زمان كانت البسمة بتحصن
وشي
لما اشوف البركة ف بيتنا
زايدة في خيرنا
حتى الترعه الصافيه بتحلم
إن أنا بأرسم
قلب البركة على باب بيتنا
وليه وانا برسم
راحت أمي للترعاية
باعت دموعها للقمراية
لجل ما تمشي
لجل يكون للعتمة نهاية
وف الصبحية رجعت هي
ومعاها صلاة الفجر
ووراها طابور النحل
بيحضن جريد النخل
ويرقص بنات البلح
وعقد الدموع لما أنفرط
رشحت حيطان بيتنا
وأخضر حزن الصبي
والشوك ملي غيطنا
وكديتنا طرحت كدب
والغلطة غلطتنا
من ديوان تلغراف
للشاعر عماد محمد سالم

[b]