مملكة العساكر

مملكة العساكر
الشاعر عماد محمد سالم
بعد الرئيس جالك مشير
عسكر كمان راخر شجاع
كل البيوت يملاها خير
ويرجع الخير اللى ضاع
كلام كتير زى الحرير
يصبر الشعب اللى جاع
فضلوا يقولوا كلام كتير
بس الكلام مليان خداع
بدأ الصراع
كان الرئيس عسكر
وكان زين العساكر كلهم
بس الفساد عشش وساد
زين البلاد بقى زيهم
لازم يقيموا محكمة
ويحاكموا واحد منهم
ردوا يا خلق ياللى بتفهموا
ازاى يحاكموا نفسهم
عسكر رحل
بس العساكر عسكروا
نفس السيناريو هيلعبوه
وينفذوه
ويكرارو
قومو انزلوا
واملوا الشوارع كلها
الثورة اكلت نفسها
والخلق عرفت كلها
ان العساكر كلهم
ميت مستحيل
يحاربو واحد منهم