فاطمه المرسي

gegefouad الجمعة يناير 21, 2011 11:35 am

السلام عليكم ورحمة الله وبركاته

مصرنا الحبيبة عشتى حرة مع كلمات اولادك الاحرار

كلمات الشاعرة / فاطمه المرسي

أصحى

تحت ضباب الفجر هناك
شايف أى شعاع من نور ؟

للوطن المسجون بالزور
محكوم في قضيه منسيه

دفنوها في أدراج التيييه
والقاضي من غير تحقيق

أصدر حكمه بالاعدام
لف حبال الموت على روحه

وساب له يدوب شريان لحياه
ناوي تدافع وتقول ايه ؟؟

ناوي ياصاحبي بعزم مابيا
أصرخ وأقولك مظلوم

ويفوق القاضي من النوم
أثبت له بكل البراهين

ان وطننا شريف وبرئ
من حكم الوالي اللي اتولى

زمام أرضه عقود
وبرئ من شرف الشرفاء

اللي انهالوا
على شرفه عهود

رافض كل المحتلين المحتالين
اللي احتالوا

على كل سنابله وغيطانه
وحبات اللولي اللى ف أرضه

على دهبه الأبيض وعيدانه
اللي اتمرغ في سواد الليل

بص يا صاحبي
القاضي غاوي ومخاوي

الشقر الحلوين
على طول تايه ومهوش دريان

غرقان للشوشه المدووشه
في بحور العين

سمارنا مبقاش جذاب
ودفاعنا هو الكذاب

خليك دافع واترافع
واحلف بالأيمان والدين

بتكلم مين ؟؟؟

فاطمه المرسي Justice