الأنتخابات الشاعر عماد محمد سالم

**Admin** الأحد يناير 09, 2011 11:45 am

شعراء من أجل
الوطن

الأنتخابات

الشاعر عماد محمد سالم

لو عديت م البلطجية

يمسكونى المخبرين

يسحبونى من اديه

يسألونى انت مين

قولت مصرى

جردونى من ملامحى

صوتى قصرى

هو قوتى هو قمحى

البرادعى جى بكرة

قول امين

لجل شمس القسوة تغرب

والعذاب يصبح حنين

الطوارئ هادة حيلنا

مش باقلنا غير رحيلنا

قالو خاين لأ شيوعى

أو حبيب الأمريكان

انتفض قلب ف ضلوعى

قلبى مصرى من زمان

نفسى افهم انتو مين

البرادعى جى بكرة قول امين

أنت مصرى مصر مين

جارى مات من
كام سنة

ولسة صوته ف الأنتخاب

ماهو اللى ماشى عندنا

بيصوتوا لكل اللى غاب

ويزورو

ويحورو

ويحطو ف عنينا التراب

وبلدنا نيل وعطشانين

انت مصرى مصر مين

البردعى جى بكرة

قول أمين