اهداء الى صديقى الكاتب الصحفى نجدى خميس الشاعر عماد محمد سالم

**Admin** الأحد يناير 09, 2011 12:41 pm

انت الأمير

نجدى خميس من غير ونيس

سهران يقآسى وحدته

الليل دموع ومفيش رجوع

شالوا القمر من سكته

مليان فنون و صاد و نون

قرآن كريم طيب رحيم

والصدق هو كلمته

. . .

يا أبو الفنون مالك يا صاحبى

الحزن سارى وماشى بيك

عمال بتبكى ودمعتك

زى المطر تنزل عليك

وعليك

أنك تدوس ع الكون تعدى م المدى

مارد شديد

زى الحديد

وف رقتك تبقى الندى

الحزن دا

ديق قوى والكون فسيح

خليك مسيح

سامح وصافح

وبعلتك داوى الجريح

انسان صحيح يا ابو الفنون

خلى الشموس الجاية تعرف غنوتك

خلى القلوب الصافية تقرا كلمتك

أكتب كلام وعيش غرام

لما العشاق يتجمعوا

تبقى الأمام

أكتب كتير زى الأمير

فوق الحصان السندسى أفرح وطير

واوعى تغير رحلتك دانت الأمير

أوعى تغير رحلتك

دا لفن هو ميتك

والعطشانين كتير كتير

وأنت الأمير

من ديوان تلغراف

للشاعر
عماد محمد سالم