يا عليا الشاعر عماد محمد سالم

**Admin** الأربعاء يناير 26, 2011 6:35 pm

يا عليا

الشاعر عماد محمد سالم

يا عليا

الشموس نازله الشوارع

تهزم الضلمه العفيه

تجمع الحلم الي ضايع

تضرب الضربه اللي هيه

يا عليا

يا صبيه

لسه شبه و عجزوكي

و قلعوكي ف ليل بيشتي

و عذبونا و عذبوكي

كلنا ابنك و بنتك

كلنا صاحبك و أخوكي

يا عليا

أعلي من عرش الملوك

أعلي من صوت الصراخ

من بكا مديون بدينه

ع المصارف لف داخ

جوعونا و جوعوكي

باعوا سكرنا بمررنا

كفنونا بانتصرنا

و العدو بقي اسمه جارنا

باعوا غازك شردوكي

فلسووووووووكي

لسه شابه و عجزووووووووووكي

كنتي عاليه و نزلوكي

يا عليا

الشموس نازله الشوارع

تهزم الضلمه العفيه

تجمع الحلم الي ضايع

تضرب الضربه اللي هيه