من معتقل مباحث امن الدولة الشاعر عماد محمد سالم

**Admin** الثلاثاء أبريل 26, 2011 7:38 pm

من معتقل مباحث امن الدولة 27 يناير
الشاعر عماد محمد سالم
مانش ساكت
ولا عمرى هاقول يا سكوت
دانا عاشق
وفوق عشقى بحبك موت
بحبك نسمة بتهفهف
على بتنا
بحبك ضحكة بتجلجل
ف صحبتنا
بحبك وانتى قلقانة
واحبك وانتى فرحانة
ومستنى الليالى تفوت
عشان اطلع اغنيلك
وتحكيلى وأحكيلك
ياشمس منورة الملكوت
مانش ساكت
ولا عمرى هاقول يا سكوت
دانا عاشق
وفوق عشقى بحبك موت
وغموا عنيه بكمامة
وحطو حديد على اديه
ونزلت دمعة بسامة
وصورتك لسه فى عنيه
لقيت قلبى بيندهلك
سمعت الرد حنيه
وقبل ما اموت
يقولوا اسكت
اعلى الصوت
مانش ساكت
ولا عمرى هأقول يا سكوت
دانا عاشق
وفوق عشقى بحبك موت
[b]